Programi i Qeverisjes Vendore në Shqipëri (LGPA) i Agjencisë për Zhvillim Ndërkombetar të Shteteve të Bashkuara (USAID) punon me dhjetë bashki në të gjithë Shqipërinë me qëllim që të mbështesë zhvillimin e ekonomisë vendore, të përmirësoje qeverisjen dhe të forcojë pjesëmarrjen e shoqërisë civile dhe sektorit privat në zhillimin vendor. Bashkitë partnere të LGPA-së  janë Elbasani, Fieri, Fushë-Kruja, Gramshi, Korça, Kukësi, Lezha, Librazhdi, Pogradeci dhe Shkodër.

LGPA do të nxisë dhe lehtësojë zhvillimin e ekonomisë vendore në bashkite e synuara (përzgjedhura) në mënyrë që të rrisë investimet, te krijojë mundësi per punësim, të rrisë të ardhurat dhe së fundmi të rrisë bazën e tatimeve dhe taksave. Në secilën bashki të synuara do të krijohet një Komitet Bashkiak për Zhvillimin Ekonomik me përfaqësim të gjerë dhe bipartizan, duke përfshire edhe përfaqësues të sektorit publik, privat dhe shoqërise civile. Komitetet Bashkiake për Zhvillimin Ekonomik do të krijojnë një vizion strategjik për zhvillimin e ardhshëm ekonomik të bashkisë dhe do të vendosin prioritete mbi veprimet e menjëhershme në përputhje me planin afatshkurter të zhvillimit ekonomik vendor. Komiteti do të identifikojë mundësitë ekzistuese për përmirësimin e shërbimeve publike të cilat do të cojnë në thithjen e investimeve. LGPA do të punojë me Komitetet Bashkiake për Zhvillimin Ekonomik për të promovuar bashkinë dhe për të identifikuar dhe tërhequr investitorë të mundshëm.

LGPA do të sigurojë mbështetje teknike dhe trajnim per stafin në dhjetë bashkitë e synuara në shumë cështje përfshirë mbledhjen e taksave, menaxhimin e aseteve, buxhetimin, huamarrjen, shpërndarjen e shërbimeve. Ky komponent njëherazi kontribuon dhe gjithashtu çon më tej përpjekjet e ndërmarra në komponentin e Zhvillimit të Ekonomisë Vendore. Bashkitë do të identifikojnë asetet që mund të jepen me qera dhe ato që mund të vihen në dispozicion të investitorëve private për t’u përmiresuar si rrjedhojë e një menaxhimi më të mire të tyre. Zhvillimi ekonomik si dhe permirësimi i sistemit te mbledhjes së taksave do t’i japë mundësi bashkive të rrisin të ardhurat nga mbledhja e tyre. Rritja e te ardhurave nga nje menaxhim me i mire i aseteve si dhe mbledhja e tatimeve dhe taksave do t’u mundësojë bashkive të synuara të përmirësojnë cilësinë dhe eficiencën e sherbimeve të ofruara qytetarëve dhe bizneseve.

Bashkitë e synuara do të forcojnë përfshirjen e grupeve të shoqërise civile, grupeve të vecanta të interesit dhe komunitetin e biznesit në procesin e qeverisjes vendore. Kjo do të arrihet duke përfshirë shoqërinë civile dhe sektorin privat në Komitetet Bashkiake për Zhvillimin Ekonomik, duke ngritur mekanizmat e buxhetimit me pjesëmarrje, duke krijuar mjete të komunikimit të qeverisjes vendore sic janë gazetat dhe faqet e internetit. Transparenca e bashkive të synuara do të rritet si rezultat takimeve të hapura të këshillit bashkiak, proceseve të hapura për blerjet, dhëniet me qera dhe vënien në dispozicion të aseteve të bashkisë si dhe një pocesi te hapur në trajtimin e çështjeve të buxhetit.